Gróðurofnæmi

Nú eru margir farnir að finna fyrir fyrstu einkennum gróðurofnæmis – gæti hómópatía verið lausin fyrir þig í sumar?

Hómópatía er FRÁBÆR og 100% náttúrleg leið til að meðhöndla einkenni gróðurofnæmis.

Sem dæmi um remedíu sem nýtist vel við gróðurofnæmi er remedían Allium Cepa – sem er útbúin úr LAUK. Remedían meðhöndlar einkenni á við sviða og roða í augum, augun tárast, oft mikið nefrennsli og/eða stíflað nef (eins og kvef), pirringur eða kitl í hálsi sem jafnvel leiðir út í eyru.

Ungur maður sem hóf meðferð við sínu gróðurofnæmi í fyrra er enn einkennalaus eftir góðan undirbúning fyrir sumarið nú á vordögum. Þessi drengur hefur undanfarin ár gengið í gegnum prófatíð með „sumarkvef“, nefrennsli og óþægindi í augum – auk þess að vera þreyttur og slappur af ofnæmislyfjum. Ef gróðurofnæmið skyldi aftur láta á sér kræla í sumar, þá erum við tilbúin með remedíurnar á lofti 😉

Hér er nýleg rannsókn sem sýnir tvímælalaust fram á árangur meðferðar hjá hómópata við gróðurofnæmi (Allergic rhinitis)

Hægt er að fá frekari upplýsingar eða panta tíma í síma: 894 3108Gróðurofnæmi

Heklu aska í smáskömmtum

Hómópatían hefur yfir hundruðum remedía að ráða og þar á meðal eru nokkrar íslenskar remedíur. Þeirra þekktust er Hekla lava – unnin úr Heklu ösku.

Lokaverkefnið mitt úr B.Sc(Hons) Homeopathy námi var ritgerð um remedíuna Hekla lava, sögu Heklu, goshegðun eldstöðvarinnar og þau áhrif sem askan hefur á náttúru og dýralíf í nágrenni fjallsins. Að auki tók ég þátt í rannsókn á remedíunni Hekla lava, svokölluð „homeopathic proving„, sem er gerð þegar einkenni og áhrif remedíu eru könnuð. Ný remedía leit líka dagsins ljós í tengslum við þetta verkefni, úr Heklu ösku frá gosinu 2000. Sú remedía er kölluð Hekla tephra, til aðgreiningar frá þeirri gömlu.
Ritgerðin bar titilinn – „Hekla lava, the source, the substance, the remedy“ – sem á íslensku er einfaldað í – Heklu aska í smáskömmtum.
Hekla á því sérstakan sess í mínum huga 😉
Eins og margir vita, hefur Hekla látið vita af sér undanfarið og nú fylgjumst við spennt með hvort komi að gosi – sem í raun er orðið tímabært miðað við goshegðun síðustu 40 ára. Heklu askan er sérstaklega skæð hvað varðar flúormengun og því mikilvægt að huga vel að dýralífi og vatnsbólum ef verður mikið öskufall í Heklugosi. Einkenni flúoreitrunar setjast fyrst og fremst að í tönnum og beinum dýra og birtast í formi beinspora á beinum eða slit á tönnum.
Remedían var fyrst útbúin úr ösku Heklu, þegar Garth Wilkinson – Breti sem kom hingað til Íslands í frí árið 1886 og 1888 – tók eftir því að kindur í nágrenni Heklu, báru þessi sömu einkenni, þ.e. beinspora eða hnjóska, einkum á kjálka og fótum.
Þessi einkenni eru einnig höfuð einkenni remedíunnar Hekla lava. Beinsporar, fætlur á beini, æxlismyndun við bein eða einkenni frá tönnum og kjálkabeini gefur sérstaklega vísbendingu um notkun remedíunnar, sem hefur verið notuð meðal hómópata um allan heim með góðum árangri.Þessi tenging milli flúoreitrunar og remedíunnar er merkileg sökum þess að remedían inniheldur ekki eiginlegt efni öskunnar – heldur hvata (smáskammta)!!
Smáskammtalyf – remedíur, innihalda (í flestum tilvikum) ekki eiginlegt efni, heldur hvata sem virkja mátt líkamans til sjálfsheilunar.
Image

Ungabarnakrampar – hvað er til ráða?

Magakrampar eru nokkuð algengir meðal ungabarna og talið að um 10-15% ungbarna upplifi þessi óþægindi. Að hálfu vísindana er vandamálið oft óútskýrt og engar áberandi ástæður þess að barninu líður illa.

Hómópatía er góð (frábær) 😉 leið til að meðhöndla börn með hverskonar einkenni. Börn bregðast oft mjög vel við hómópatískri meðferð, því þau eru orkumikil og fljót að yfirstíga „veikindi“ með örlítilli hjálp og ábendingu í formi þeirra hvata sem remedíurnar gefa líkamanum.

Remedían Chamomilla er dæmi um remedíu sem gjarnan er gefin ungabörnum í þeim tilgangi að meðhöndla magakrampa.

Einkennin eru þaninn magi, krampar og barninu virðist ekki líða betur við að leysa vind. Barnið er pirrað, grætur, öskrar mikið eða sýnir reiði. Barninu finnst gott að láta halda á sér og láta rugga sér, en er jafnframt viðkvæmt fyrir snertingu, sérstaklega yfir maga. Grænar hægðir og tanntaka gætu einnig verið til staðar. Einkenni eru oft verri á kvöldin.

Image

Hraustur og heilbrigður líkami, sýnir viðbrögð við áreiti.

Líkaminn er í eðli sínu fær um að lækna sig sjálfur. Þessi eiginleiki kemur frá orkulind sem við kjósum að nefna lífskraftinn – í öðrum tungumálum þekktur sem vital force, lebens kraft, chi eða prana.
Þegar við veikjumst, sýnir líkaminn einkenni sem merki þess að hann hafi orðið fyrir áreiti. Heilsa einstaklinga ræðst því af hæfileika hvers og eins við að taka á móti og aðlagast áreiti.
Meðferð hjá hómópata miðar að því að koma jafnvægi á lífsorkuna aftur og skýrir einnig hvers vegna hómópatar „lækna“ ekki fólk (enda ekki læknar)… heldur aðstoða líkamann við að lækna sig sjálfur og finna fyrra jafnvægi.

Barnaexem

BARNAEXEM er nokkuð algengt í dag og talið að um 15% barna fái exem til lengri eða skemmri tíma í æsku sinni.

Rannsóknir hafa sýnt fram á það að hómópatía gefur JAFN GÓÐA raun sem meðferð við exemi og hefðbundin læknismeðferð. Það væri jafnvel hægt að segja að hómópatía væri betri kostur – þar sem ekki er um að ræða aukaverkanir eða þynningu á húð eins og hlýst af notkun stera krema.

Meðferð hjá hómópata við exemi er alltaf heildræn og einstaklingsbundin, en sem dæmi má nefna remedíuna SULPHUR sem er oft notuð við hverskonar húðvandamálum.

Þau einkenni sem Sulphur vinnur á eru hiti og roði í húð, rauðar skellur, „bólur“ og/eða upphleypt útbrot. Mikill kláði fylgir sem er oft verri á kvöldin eða nóttunni svo barnið klórar sig jafnvel til blóðs. Húðin er einnig verri eftir bað.

Image

Belladonna

belladonna

Eitrunaráhrif plöntunar Atropa Belladonna eru talin líkjast mjög þeim einkennum sem koma fram við Skarlatsótt. Af þeim sökum var remedía útbúin úr plöntunni, þar sem ferskt blómið og rætur eru notaðar. Í remedíunni sem fæst úr þessari eitruðu plöntu er ekki um að ræða eiginlegt efni, heldur hvata – sem efla líkamann til að leiðrétta ákveðin einkenni.

Hér á öldum áður var Belladonna mikið notuð til að aðstoða fólk við að ná sér af skarlatsótt með mjög góðum árangri, en þetta helst stuðlaði að mikilli útbreiðslu remedíunnar og vinsældum hennar.

Remedíuna Belladonna er gott að eiga heima í sjúkrakassanum og nota ef flensa gerir skyndilega vart við sig. Einkenni eru hár hiti, rautt glóandi andlit, hamrandi höfuðverkur,  í eyrum eða hálsi.